Qendra Islame Kulturore Shqiptare – Seevetal, është një xhami dhe vatër e ruajtjes së vlerave islame dhe kulturës shqiptare, që gjendet në Komunën e Seevetalit në zonën metropolitane të Hamburgut në Gjermani. E themeluar si rezultat i nevojës së madhe të besimtarëve muslimanë shqiptarë të rrethinës për një qendër që do ta organizonte jetën e tyre fetare dhe shoqërore këtu në Gjermani, qendra numëron sot mbi 800 anëtarë të cilëve u shërben. Aktualisht qendra jonë vepron në rrugën Mattenmoorstraße në Meckelfeld të komunës Seevetalit në hapësira me qira, por numri i shtuar i anëtarëve si dhe nevoja për hapësira më të mëdha dhe më të përshtatshme e bëri të patjetërsueshme marrjen e iniciativës për të nderuar një xhami nga themeli. Ëndrra e ndërtimit të një xhamie nga themeli po realizohet tashmë dalë nga dalë. Pas dhurimit të vendit dhe marrjes së lejes tashmë po fillojmë ndërtimin e xhamisë së re. SOT e ke edhe TI mundësinë që të bëhesh pjesë e kësaj ËNDRRE me kontributin tënd.